Sumarið byrjaði í síðustu viku með 23C gráðu hita, logni og heiðskírum himni. Ég veit ekki hvaðan á mig stendur veðrið. Grasið er grænt en það vantar ennþá laufblöðin á trén. Mig kítlar í hjartanu yfir tilhugsuninni að ég er ekki hérna sem túristi í 3 vikur heldur á ég heima hérna og fæ að njóta alls sumarsins.
Talandi um veður, veturinn var eitthvað sem maður er óvanur. Það er kaldari hérna, oftast fyrir neðan frostmark og fór mest niður í 16 stiga frost. En það bærðist aldrei hár á höfði því enginn var vindurinn.
Svo var oft heiðskýr himinn með sól svo maður fann lítið fyrir frostinu.
Snjórinn hélst nærri því allan veturinn, jafnvel þó að hitinn færi í +5 gráður og rigning í nokkra daga, einhvernveginn hélst hann alltaf. Snjórinn kom í 3 kippum af "snow storms", þá var viðvörun í sjónvarpinu, skólum lokað og fólk sent heim úr vinnu. Ég fékk alveg kvíðahnút í magann því ég vissi ekki við hverju var að búast, en þá reynist snowstorm vera fallegur jólasnjór sem dalaði lóðrétt niður í flygsum (aldrei vindur muniði). Að vísu snjóaði um 30 cm í sólarhring, en það er sama, ekkert sem víkingur þarf að kippa sér upp við. Svo er mokað eftir þann snjóstorm og það helst þannig, þannig að það þurfti aðeins að moka 3 sinnum í vetur og samt alltaf snjór.
Sem er frábært fyrir skíðafólk, en eftir 17 ára hlé er ég farin að fara á skíði. Það eru mörg flott stór skíðasvæði hérna í kring, það
næsta í 20 mín fjarlægð. Ég á enn eftir að prófa allar brekkurnar þar svo ég á mikið eftir að prófa. Meðal annars
Mount Snow í Vermont. Vildi bara benda skíðaáhugafólki á að það er líka hægt að heimsækja mig að vetri til og eyða dögunum á æðislegu skíðasvæði.
Það er aldeilis gúrkutíð hjá mér að tala um veðrið. Ég hef reyndar frá fleiru að segja (nei ég er ekki ólétt) en ég bara varð að koma þessu frá mér.